BR LA UNION – Kayat a maadal nga umuna ni President Ferdinand Marcos Jr. iti mailung-lungalong a P200 across the board minimum wage increase kadagiti pribado a mangmangged.
Kinuna na nga adda iti sumagmamano nga epekto ti nasao a gakat a kas ti panagngato ti presyo iti gagatangen ken serbisyo.
Gaputi dayta, intalek ti Presidente iti tripartite board, a mangdetermina iti panagngato ti suweldo.
Adu a babassit a negosyante, kas koma dagiti agtagikua dagiti babassit a sari-sari store ken karenderya ti kangrunaan nga agreklamo nu ipangato manen ti suweldo dagiti empleyado.
Impaganetget ti Presidente nga agsapol iti gobyerno ti solusyon ket kasapolan a makitinnulong iti naduma-duma nga ahensiya ti gobyerno.
Maipalagip a tarigagay ti House of Representatives nga i-certify nga urgent ni President Marcos kalpasan nga impasa da iti P200 across the board daily wage increase.
