LA UNION – Viral ita ti social media iti singin agkabsat a babbai a da Brittany ken Briana Deane a nangasawa iti singin met laeng nga agkabsat a isuda Josh ken Jeremy Salyers.
Nagkita dagiti singin idiay paris idi 2017 idiay Twinsburg, Ohio’s Twins Day Festival a tinabunuan dagiti biolohikal a singin, triplet, quadruplet, ken dadduma pay.
Makatawen kalpasan ti panagasawada, nagpasngay dagiti agkabsat a babbai a da Brittany ken Briana.
Immuna a naipasngay ti anak da Brittany ken Josh a ni Jett, idinto ta simmaruno ti anak da Jeremy ken Briana, a pinanagananda iti Jax, kalpasan ti lima a bulan.
Agkasinsin dagiti dua nga annak ngem mabalin a maawagan dagitoy iti quaternary twins gapu ta adda dua a DNA set-da a naggapu kadagiti nagannakda.
Makuna a singin pay laeng dagitoy dua nga annakda.
