Nainget iti panangipatungpal ti Commission on Election kadagiti kandidado ti kina Barangay ken Sanguniang Kabataan (SK) nga isubmiter dagitoy ti Statement of Contributions & Expenditures (SOCE).
Impagunam-gunam daytoy ni Atty. Gogie Deinla, Comelec Officer ti syudad ti San Fernando, iti sango dagiti agngayangay a kandidato iti masungad nga eleksyon.
Impaganetget ni Deinla, a no saan nga makaisubmiter dagitoy ti SOCE ket saan dagitoy a makapagtakem iti napangabakanda a posisyon.
Innayon na pay saan laeng a dagiti nangabak a kandidato ti mangisubmiter ti SOCE da ngem uray dagiti naabak.
