Inbatad ni Department of Justice Secretary Jesus Crispin Remulla a napanpanawenen para iti sangsangwen na a reklamo idiay Ombudsman tapno daitoy ket maibasura.
Manipud iti impatulod a mensahe nga opsiyal nga inwaragawag ni Justice Secretary Jesus Crispin Remulla ita nga aldaw, kinunana a saan isuna nga agsurrender iti aplikasyon ti kina-Ombudsman.
Innayon na pay nga agtalek isuna nga agbalin a nainkalintegan ti Korte Suprema maipapan iti panagdesisyon kadagiti pending cases idiay Office of the Ombudsman.
Kinunana a naluomanen wenno napanpanaenen tapno ma-dismiss ti sangsangwen na iti Ombudsman a maipalagip ket konektado iti International Criminal Court gapo iti panangarestar da kenni sigud a Presidente Rodrigo Roa Duterte.
Pinilaan isuna ti kaso ni Sen. Imee Marcos, partikular ti panaglabsing ti Anti-graft and Corrupt Practices Act, Arbitrary Detention, Usurpation of Judicial Functions, Grave Misconduct, ken dadduma pay.
Apaman matuloy ket agpaysu nga isuna iti madutokan kas baro nga Ombudsman, sukatan na iti puesto a maibati ni sigud nga Ombudsman Samuel Martires.
