Rinugianen ti South Korean military ti panangikkat kadagiti loudspeakers a masarakan iti kawatiwatan ti Demilitarized Zone (DMZ) iti beddeng da ti pagilian a North Korea, segun iti Department of Defense.
Nausar dagiti loudspeakers tapno agpatukar ti napipigsa a musika ken mangipadamag kadagiti mapaspasamak iti ruar ti North Korea, karaman ditan ti kampaniya ti pagilian a manipaay ti impormasyon kontra ti striko a kontrol ti gobierno ni Kim Jong Un iti media.
Ti addang ket immunan nga imbilin ni South Korean President Lee Jae Myung tapno pababaen iti tensyon ti nagbaetan ti dua a pagilian. Nuay kasta, nainget met a pinaglibakan ti North Korea ti aniaman a koordinasyon iti Presidente ti South Korea.
Kinuna ni Kim Yo Jong, kabsat ni Kim Jong Un, nga awan iti interes da iti aniaman a polisiya wenno singasing manipud Seoul kasaruno ti pananigpaganetget a ti relasyon dagiti dua a Korea ket saanen a maisubli pay.
Impasigurado met iti militar ti South Korea a ti pannakaikkat kadagiti loudspeakers ket saan a makaapektar iti panagsagana da maipapan ti seguridad.
