Nagun-od ti 22-anyos a South Korean golfer a ni Song Min-hyuk iti kampeonato ti 108th Philippine Open kalpasan a mangidaulo babaen ti pito a stroke iti naangay a torneo iti Masters of Manila Southwoods idi Dominggo.

Nakailista ni Song ti pakabuklan a 265 wenno 15-under-par kalpasan iti uppat a round.

Imbilang na a tulbek iti balligi na iti maikadua a round, nu sadinno nakailista isuna ti 10-under-par 60, nga inawagan na a kas nakaskasdaaw a gundaway.

Kabayatanna, nagleppas iti top 10 iti Filipino golfer a ni Justin Quiban kalpasan a makailista ti 69 iti maudi a round ken makailista ti pakabuklan a 272.

Iti Philippine Open ket paset ti Asian Tour ken addaan ti pakabuklan a premyo a 1-M dollar wenno katupag ti nasurok-kumurang 64 milyon a piso.