Alas-tres itay parbangon, naudi a nasaripatpatan iti Tropical Storm Peilou iti ruar ti Philippine Area of Responsibility (PAR) iti kaadayo a 2,515 km Daya ti Extreme Northern Luzon. Kabuyog na iti kapigsa ti angin a 65 km/h asideg ti tengnga ken kapegges nga agingga 80 km/h bayat a dupdupagen iti Daya Abagatan-a-Daya iti kapaspas a 25 km/h.
Segun ti PAGASA, paadayo ti nasao a bagyo iti PAR ngem agtultuloy dagiti panagtudo ita nga aldaw gapu iti Habagat.
Agtultuloy a mangap-apektar ti Southwest Monsoon iti Luzon ken kadagiti makinlaud a paset ti Visayas.
Makapadas ti monsoon rains iti Benguet, Zambales, ken Bataan; occasional rains wenno sagpaminsan a panagtudo ditoy Ilocos Region, idiay Metro Manila, nabatbati a paset ti Cordillera Administrative Region, Nueva Vizcaya, Tarlac, Nueva Ecija, Pampanga, Bulacan, Rizal, Cavite, Batangas, Oriental Mindoro, ken Occidental Mindoro; nalulem a tangatang a nabuyogan ti mawaraswaras a panagtudo idiay Western Visayas, nabatbati a paset ti Cagayan Valley, nabatbati a paset ti CALABARZON, nabatbati a paset ti MIMAROPA, Camarines Norte, ken Camarines Sur.
Bayat a localized thunderstorms iti mangigubuay ti mapatto-pattok a panagarbis iti nabatbati a paset ti pagilian.
SUNRISE: 5:41 AM
SUNSET: 6:26 PM
