Nangisayangkat iti physical inspection itay bigat ni Senate President Win Gatchalian idiay session hall ken committee rooms ti Senado kas panagsagana para ti impeachment trial ni Bise Presidente Sara Duterte inton aldaw ti Lunes, Hulyo 6.
Ininspeksyon ni Gatchalian ti kinasagana iti Senado, karamanen dagiti pasilidad, kwarto ti prosecution ken defense teams, media, kasta met dagiti security arrangements.
Personal na a minaysa-maysa iti tunggal committee room ken impaganetget a nakasaganan ti Senado para ti impeachment trial.
Idiay session hall ket nakapirmis iti impeachment court: witness stand, puesto ti prosecution ken defense teams, tugaw dagiti senator-judges, ken podium iti agserbi kas presiding officer.
