Inwaragawag ni Speaker Martin Romualdez nga idauloan ti Kamara ti strikto a mekanismo ti public accountability.
Kas Pannakangiwat iti Kamara ket makipapamaysa ni Romuladez iti pakaseknan ni Presidente Ferdinand Marcos Junior mainaig iti saan nga umiso a pannakausar iti pondo ti gobierno.
Gapo iti daitoy ket mangiyuswat iti Kamara ti komprehensibo a congressional review kadagiti amin nga infrastructure projects .
Maimbestigaranen dagiti nasao a proyekto, karaman dagiti bloated contracts, economic underspending, ken abuse of discretion seknan ti fund realignment ken procurement.
Innayon ni Romualdez a mangisingasing da iti gakat para iti mandatoryo a performance standards para kadagiti contractors, real-time public reporting of projects, kasta met iti national infrastructure audit framework.
Impaganetget na a ti baknang ti pagilian ket saan a rumbeng a matakaw ken masayang agsipud ta iti tunggal sentimo, proyekto, ken serbisyo ket para kadagiti umili a Pilipino.
