Nagtitipon dagiti ASEAN Senior Officials Meeting on Energy (SOME) para iti Ad Hoc Preparatory Meeting ken Consultative Session with Dialogue Partners para iti Special ASEAN Ministers on Energy Meeting (AMEM).
Panggep ti panagtaripnong a pagsasaritaan dagiti developments iti krisis ti langis nga ingubuay ti krisis idiay Middle East.
Impaganetget ni Undersecretary Felix William Fuentebella, Philippine Senior Official on Energy ken SOME Chair, iti kinapateg ti dagos a koordinasyon iti baetan dagiti development a makaap-apektar iti global ken regional energy markets.
Iti naisayangkat a consultative session, imbinglay dagiti dialogue partners dagiti update iti agdama a kondision ti suplay ti langis ken nagsinnukat met ti opinion dagiti lider para iti panagresolba iti krisis.
Karaman pay a napagsaritaan iti isyu ti supply diversification, access iti energy resources, market transparency ken emergency response coordination.
Impasigurado met ti Pilipinas nga host ti ASEAN nga agtultuloy iti panangbukelda ti cooperation frameworks kas suporta iti natibker ken secure regional energy environment.###
