LA UNION – Al-allukuyen ita ti Social Security System (SSS) dagiti miyembro daytoy nga ag-apply iti calamity loan.
Sigun kenni SSS La Union Branch Manager Francisco Pentecostes, ita nga aldaw, June 15 iti panangrugida ti panangawat kadagiti loan application ken agpatingga daytoy agingga inton Sep. 14, 2020.
Maka-avail iti calamity loan ti maysa a miyembro no addaannen daytoy iti 36 months a contribution.
Ti nasao a loan ket maited iti maximum a P20,000 ngem depende ti maitintinnag a contribution iti binulan, 27 month payable ken 6 percent per annum ti interest-na.
Kinuna ni Pentecostes a bumisita laeng iti website ti SSS ken ag-apply babaen ti online.
