Nabigbig manen iti St. Lucy Parish ti Aringay, La Union gapu iti agtultuloy a suporta da iti National Voluntary Blood Service Program (NVBSP).
Naited ti Plaque of Appreciation iti parokia idi Agosto 4, 2026 kas paset ti Stakeholders’ Recognition for the Religious Sector kabayatan ti National Blood Donors Month Celebration a naangay iti Speaker Pro Tempore Francisco I. Ortega Convention Center idiay Sevilla, San Fernando City.
Inawat ni Sis. Iduna Frigillana, Parish Pastoral Council–Public Relations Officer ken Head ti Worship Committee, iti pammadayaw iti nagan ti St. Lucy Parish.
Daytoy iti maikadua a nagsaruno a tawen a nabigbig ti St. Lucy Parish kas maysa kadagiti agtultuloy a kadua iti voluntary blood donation program.
Karaman pay kadagiti nabigbig a parokia iti Sts. Peter and Paul Parish idiay Bauang ken Holy Family Parish idiay Sudipen, nga agpapada a paset kadagiti tallo a parokia manipud iti Diocese of San Fernando de La Union a nakaawat ti pannakabigbig.
Segun iti parokya, pammaneknek ti pammadayaw iti agtultuloy a panagkaykaysa ken pakaseknan dagiti parokiano a sumungbat iti panawagan para iti boluntario a panagdonar ti dara.
Maallukoy iti publiko nga ituloy iti panangsuporta iti boluntario a panagdonar ti dara gapu ta tunggal donasion ket mabalin a makatulong a mangispal ti biag.###
