Dead on arrival iti La Union Medical Center ti maysa nga Small Town Lottery (STL) collector kalpasan daytoy a mahit in run idiay Sto. Tomas, La Union.
Nabigbig iti biktima a ni Revi Dacpano, 59, addaan asawa, residente ti Barangay Lloren iti ili ti Tubao.
Maibasar iti nakalap nga impormasyon ti Bombo Radyo iti Sto. Tomas Police Sation, naggapu ti biktima iti maysa a kasangay ken bayat iti panagawid na ket kellaat a dinungpar isuna iti saan pay a nabigbig nga behikulo.
Gapu iti daytoy, nagsagaba iti adu nga sugat iti nadumaduma a paset ti bagi na ti biktima.
Agtultuloy ita ti manhun operation dagiti otoridad para iti dagus a pannakatiliw iti respondent driver a dagus a naglibas kalpasan iti napasamak nga aksidente.
