BR LA UNION – Natiliw ti maysa a street level individual iti naisayangkat a drug buy bust operation idi rabii, Mayo 27, idiay Brgy. Ili Sur San Juan, La Union babaen ti nagtitipon a puwersa ti PNP nga indaulwan ti San Juan Police Station kas lead unit.
Nabigbig ti suspek iti alyas Jose, 42-anyos, awanan asawa, construction worker ken native ti Brgy. San Jose, Masantol, Pampanga.
Nakumpiskar iti ikot ti suspek ti maysa a heat sealed transparent sachet with crystalline substance wenno mapapati a shabu, mapatta-patta nga agabalor ti nasurok kumurang 6,800 pesos, nga isuti maipagarop nga inlako ti suspek iti nagpammarang a puseur buyer.
Nakumpiskar pay iti operasyon ti maysa pidaso a one thousand peso bill ken maysa pay a 500 peso bill a inusar a buy bust money ken maysa nga android phone.
Kalpasan ti operasyon naiturong ti suspek idiay Bacnotan District Hospital para ti medical examination ken panakapaisidong na ti drug test.
Sumangsango ti suspek iti kaso a panaglabsing ti Republic Act 9165.
