Ipaulog ti Senate impeachment court ita nga aldaw ti dagiti subpoena para iti bank, tax ken Anti-Money Laundering Council (AMLC) records ni Bise Presidente Sara Duterte, ti asawana a ni Manases “Mans” Carpio, ken dagiti sumagmamano a korporasion nga addaan ti prima facie a koneksion kadakuada.
Segun kenni impeachment court spokesperson Atty. Reginald Tongol, maiserbi dagiti nagsisina a subpoena iti Bureau of Internal Revenue (BIR), AMLC ken dagiti bangko, bayat a nabilin dagiti ahensia ken institusion nga isubmitir dagiti makidkiddaw a dokumento iti Clerk of Court sakbay nga agalas-nuebe ti bigat inton Hulio 30.
Kenuna ni Tongol a dakkel a paset ti ruling ni Presiding Officer Francis “Chiz” Escudero ket naisaganan sakbay pay a nangrugi iti impeachment trial ken dimmalan iti konsultasion dagiti senator-judges idi Hulio 15.
Inlawlawag met ti impeachment court a dagiti records ket mausar laeng kas basaran iti panagsukimat dagiti alegasion iti Article II ti Articles of Impeachment ken saan a tapno mangiserrek ti kabaruan a reklamo maibusor iti Bise Presidente.###
