Naipatuloden ti Senado dagiti subpoena para kadagiti testigo a ninaganan ti defense team ni Vice President Sara Duterte kas panagsagana iti pannakaituloy ti impeachment trial inton Nobyembre 19 ken 20.
Kinumpirma ni Senate Secretary Renato Bantug a naipatulod electronically dagiti subpoena kadagiti testigo a namnamaen a sumango iti panagusig.
Babaen kadagiti nasao a subpoena, pormal a mapaayaban dagiti nasao a testigo tapno sumango idiay Senado ken mangipaay ti testimonya seknan dagiti mataltalantan nga isyu iti impeachment proceedings.
Maipalagip nga immunan nga imbaga ni Defense Counsel Spokesperson Michael Poa nga aganay walo agingga 10 a testigo iti plano da nga isango tapno mangdepensa iti Bise Presidente kontra kadagiti akusasyon.
Nakatuding a maituloy iti impeachment trial idiay Senado inton Huwebes ken Biyernes, Nobyembre 19 ken 20.











