LA UNION – Pinalagipan iti sumagmamano a doktor dagiti agindeg ken agtrabtrabaho idiay Beirut, Lebanon a liklikan pay iti rummuar kadagiti pagtaengan dagitoy kalpasan iti napigsa a panagbitak.
Iti pannakiuman ti Bombo Radyo kenni Rolando Negros, tubo iti Muntalban, Rizal ken mangmangged iti nasao a pagilyan, kinunana a nagpalagip ti doktorda maipapan iti dakes nga epekto ti nitric acids a gapuanan iti panagbittak.
Posible kinunana a makapadakes iti salun-at ken makadadael iti bagi ti nadakamat a kita iti asido.
Sigun kenni Negros, suspendido met iti trabaho idiay lugar nga asideg iti insidente.
Naammuan pay manipud kenni Negros, a gapu iti kinaadu dagiti nasugatan iti panagbittak ket naiturong iti naduma-duma nga ospital daggiti pasyente.
Agtultuloy pay laeng iti search and rescue operation gapu iti maipagarup nga adu ti nagaburan iti dadakkel a debris manipud kadagiti narba a pasdek.
