LA UNION – Naipasidong iti swab test dagiti empleyado iti Bauang Municipal Government a dimmar-ay iti MOA sining iti PDEA La Union Provincial Office a naiganwat idi July 11, 2020.
Daytoy ket kalpasan a naammuan a positibo iti COVID-19 ti maysa nga opisyal iti DILG a karaman a dimmar-ay iti nasao nga okasyon.
Kangrunaan a nakapulapol ti nasao a pasyente dagiti opisyal iti lokal a gobyerno iti Bauang, PNP ken PDEA.
Gapu iti daytoy naka-quarantine ita dagiti naipasidong swab test agingga a maammuan ti resulta daytoy iti uneg ti tallo nga aldaw.
Kabayatanna, tempararyo a nakaserra ti opisina iti DILG gapu ti panagbalin a positibo iti COVID-19 ti nasao nga opisyal tapno ipaayan ti gundaway ti disinfection iti pasdek.
