Mangisaysayangkat ti imbestigasion iti Philippine National Police (PNP) kalpasan a nasarakan dagiti kabaruan a lungon iti nagsisina a lugar idiay Makati City ken Manila ita a Biernes, karaman iti maysa a naibati asideg ti Chinese Consulate idiay Barangay Bel-Air ken maysa pay iti Plaza Sta. Cruz.
Segun kadagiti autoridad, daytoyen iti maikapat a nagsisina nga insidente ti pannakakita dagiti kapada a lungon idiay Metro Manila.
Maibasar iti inisial nga imbestigasion, adda ti nakakabil a ladawan ti sumagmamano a Chinese officials ken maysa a communist leader iti uneg dagiti lungon, kadua dagiti sao a “salot” ken “greedy.”
Awan pay ti inruruar nga impormasion iti pulisia no adda pakainaigan na iti nagsisina nga insidente wenno no adda ti partikular a grupo a responsable.
Immunan a nakita iti kapada a lungon idiay Caloocan City, Quezon City, ken maysa a lokasion idiay Makati City, gapuanan tapno palawaen dagiti imbestigador iti panagsukimat iti posible a motibo ken panagkokonektar dagiti insidente.
Iti agdama, awan pay ti indibidual wenno organisasion iti nangakuar iti panangiwaras dagiti lungon.
Agtultuloy iti backtracking, panagsukimat ti CCTV footage, ken dadduma pay nga imbestigasion ti PNP tapno maammuan dagiti adda iti likodan ti serye ti insidente ken ti gandat da.###
