Posible a mangipila ti ethics complaint dagiti miembro ti Lakas-CMD kontra kenni Cavite 4th District Representative Kiko Barzaga gapo iti panangiwaras da dagiti awan basaranan na nga alegasion kontra kadagiti padana a manmanday-linteg.
Segun kenni Lanao del Sur Representative Zia Alonto Adiong, awan ti kinaagpaysona dagiti inpost ni Barzaga maipanggep iti maipagarop a panagtaripnong ti Lakas-CMD idi kallabes maipanggep iti panagbalin nga state witness ni Leyte Representative Martin Romualdez.
Saan met a pudno a salsalakniban ti partido ni House Majority Leader Sandro Marcos, kasta met da sigud a Senador Bong Revilla, Representatives Jayjay Suarez, Roman Romulo, Adiong, ken iti maipagarop a panangpilit ni First Lady Liza Araneta-Marcos kenni Senador Chiz Escudero iti imbestigasion ti Independent Commission for Infrastructure (ICI).
Impaganetget ni Adiong a saan a paset ni Romulo idi Lakas-CMD ken awan isuna iti nasao a panagtaripnong, bayat a ni Majority Leader Marcos ket dimmar-ay tapno agyaman iti suporta ti partido iti 2026 national budget.
Kabayatanna, nagpanawagan iti manmanday-linteg kenni Barzaga nga ipamaysa iti panawen na ti panagaramid ti linteg ken panangtulong iti distrito ken saan nga agiwaras dagiti kamali nga impormasion.###
