LA UNION – Kinumpirma ti City Government of San Fernando a naipasidong iti Enhanced Community Quarantine (ECQ) iti sumagmamano a paset ti Zone 7 iti Brgy Carlatan ditoy syudad, nangrugi idi kalman Marso uno, 2021.
Daytoy ket base iti rekomendasyon ti Covid 19 Inter Agency Task Force ken City Incident Management Team, kalpasan a mailista iti 13 nga aktibo a kaso ti covid 19 iti nasao a lugar.
Agpaut ti lockdown iti 14 nga aldaw.
Daytoy ket maysa laeng kadagiti addang tapno malapdan ti panagwaras ti Covid 19 iti dadduma pay a lugar.
Agtultuloy met iti palagip dagiti otoridad nga itultuloy a tungpalen dagiti health protocols kontra Covid-19 tapno maiyadayu iti corona virus disease wenno COVID-19.
