Plano a mangipangato ti singir dagiti sumagmamano a pangpribado nga hospital iti pagilian gapu ti mapaspasaran a kriris idiay Middle East.
Segun kenni Private Hospitals Association of the Philippines Inc. (PHAPI) president Jose Rene de Grano, plano dagiti sumagmamano a kaduada a mangipangato ti agingga 5% kadagiti singsingirenda a fees.
Kasaruno daytoy iti panagngato ti presyo ti produkto a petrolyo a nangapektar iti panagdeliver kadagiti supply ti agas ken dadduma a medical supplies.
Saan a mabalin nga agoperate dagiti pagagasan nga awanan ti standby generator, bayat a dagiti dadduma ket immakar iti renewable energy tapno tumulong iti power utility.
Inlawlawag ni Grano a nakadependir daytoy no kasano a makayanan ti pagagasan iti agdama a sitwasyon.###
