LA UNION – Naalarma dagiti sumagmamano a residente ti Barangay Ilocanos Sur, San Fernando City iti inaramid a panagtaray ken panaglemmeng iti maysa a lalaki kadagiti babbalay sadiay, kalpasan a kamaten dagiti otoridad gaputi maipagarop a kaso daytoy nga adda pakainaiganna iti iligal a droga.
Base iti salaysay iti maysa a residente a ni Joselyn Naparan, nakarikna ti panag-nerbiyos ken panagbuteng idi simrek ti balayda iti saanna nga am-ammo a lalaki a nangibaga kenkuana nga aglemmeng daytoy.
Kinunana a gaputi nakaru a nerbiyos ket saanen a nakasao idinto a ti nasao a lalaki ket nagturong iti salas da ken nagidda sadiay.
Kalpasanna, nagdisnudo met laeng a bimmaba ken rimuar iti lalaki ken nagturong manen iti dadduma pay a balay.
Naaresto babaen kadagiti kameng ti PDEA ken PNP San Fernando iti suspek, iti balay ti managan Jessie a naudi a nagtarayan daytoy.
