Hinarang dagiti sumagmamano telecommunications company ditoy Pilipinas iti access iti Discord kalpasan a binilin ti Cybercrime Investigation and Coordinating Center (CICC) iti platform a mangdutok ti local representative ken mangisubmitir dagiti addang para iti online safety iti uneg ti 24 nga oras.
Segun kenni CICC Executive Director Undersecretary Renato “Aboy” Paraiso, nainaig dagiti addang kadagiti panagdanag iti online child exploitation, radicalization, ken nihilistic violent extremism, kasaruno ti serye ti pammaltog kadagiti pagadalan karaman iti insidente iti Banga National High School idaiy South Cotabato idi Setiembre 18.
Inlawlawag met ti ahensi a Reddit laeng iti naikkan ti extension iti 24-hour directive, bayat nga awan ti naited a pawayway iti Discord.
Kasaruno ditoy, saanen a ma-access iti Discord kadagiti sumagmamano a network kas ti Globe, GOMO, ken TNT, bayat a mabalin pay daytoy a ma-access kadagiti dadduma a network.###
