BR LA UNION – Nangidanon ti panang-kablaaw ti naduma-duma a lider ti lubong para kenni US President Donald Trump kagiddan ti inagurasyon na kas maika-47 a Presidente ti Estados Unidos.
Iti naibinglay a video message iti X account, dinayaw ni Israeli Prime Minister Benjamin Netanyahu ti nasayaat nga alyansa ti Israel ken US ket mangnam-nama iti sidong ti panangidaulo ni Trump, a magun-od iti nasay-sayaat a panagbiag.
Pattien Netanyahu nga ad-adda a mapapigsa ti alyansa ti America ken Israel iti sidong ti administrasion ni Trump.
Nagkablaaw met ni British PM Keir Starmer kenni Trump ken inyebkasna ti espesyal ken nabayagen a relasyon ti America ken United Kingdom.
Iti video message ni Ukrainian President Volodymyr Zelensky, kinunana a ti baro a liderato ni Trump ket mangipaay iti gundaway para iti pudno a talna ken inwaragawagna ti kinasagana dagiti taga-Ukrainian a makipagtrabaho kadagiti Americano tapno maragpat daytoy.
Laglagipem nga inkari ni Trump iti kampaniana a pagpatinggaenna ti gubat iti nagbaetan ti Ukraine ken Russia iti maysa laeng nga aldaw.
Maipalagip nga ingkari ni Trump idi panawen ti kampaniya a gibusan na iti giyera iti baetan ti Ukraine ken Russia iti uneg laeng ti maysa nga aldaw.
