LA UNION – Agpanpanawagan dagiti sumagmamano nga overseases Filipino workers (OFW) a naka-quarantine idiay Sunrise Holiday Mansion idiay Cavite a mapaawiddan kalpasan a nakompleto ti 14-days mandatory quarantine dagitoy.
Iti pannakiuman ti Bombo Radyo kenni Victor Abaga Jr., tubo iti syudad ti San Fernando, La Union ken naggapu manipud idiay Germany, kinunana a matektekandan nga adda iti uneg ti nasao a hotel.
Sigun kenni Abaga, naipasidongdan iti rapid test ken negatibo met ti resulta, ngem agpapan ita ket saanda pay a naipasidong iti swab test sipud a naipasidongda iti quarantine.
Agan-anusda laeng kinunana iti bassit a taraon a maidasdasar kadakuada.
Kinuna ni Abaga, awan met iti problema kadagiti pasilidad iti nasao a hotel ngem iti kayatda ket makaawiden tapno makaddua iti bukodda a pamilya.
Adda iti nasurok a 100 OFW iti maipagarup a naka-quarantine iti nadakamat a hotel.
