LA UNION – Iti laksid ti tarigagay dagiti sumagmamano nga overseases Filipino Workers idiay China a makaawid ditoy Pilipinas ket adda met dagiti kakailyan a mas kaykayatda iti aganus ti agdama a sitwasyon gapu iti corona virus scare.
Iti pannakiuman ti Bombo Radyo kenni Jerrold Pascua a madama a mangmangged idiay Henan, China, kinunana a kayatna man iti agawid ditoy Pilipinas ket pilyenna iti agtalinaed ti hotel idiay China.
Sigun kenni Pascua, narigat met iti agbalin a sitwasyon no agturongda iti aiport gapu ta segurado nga adu iti tattao sadiay nga agtartarigagay a pumanaw idiay China ken asidegda a maakaran ti sakit a gapuanan ti corona virus.
Saan met isuda a baybay-an ti Chinese employer iti laksid ti krisis iti nasao a lugar.
Ti Henan, China ket naka-lock down pay laeng gapu ti panagwaras ti corona virus.
