LA UNION – Umap-apela dagiti overseases Filipino workers (OFWs) idiay Middle East iti mangimatmaton ti BDO Unibank, Inc.a mangipaay iti sungbat no apay a nagpukaw iti kwarta dagitoy a naideposito kadagiti bangko.
Iti pannakiuman ti Bombo Radyo kenni Ruby Ann Tayson a tubo iti ili ti Rosario, La Union nga ita ket mangmangged idiay pagilyan ti Kuwait, kinunana a lima a bulanen daytoy nga agur-uray iti konkreto a sungbat manipud ti BDO maipapan iti reklamona.
Naipakaammo metten ti nasao nga
OFW ti problemana iti bangko idi August 2017 kasaruno iti panangipasegurado a maammuanna met laeng iti resulta ti imbestigasyon kalpasan iti 60 nga aldaw.
Iti reklamo ni Tayson ti BDO, naduktalanna babaen iti online record nga uppat a daras nga adda iti nag-widraw ti indepositona a kwarta ditoy Pilipinas kabayatan nga iggemna met ti ATM card ken passbook daytoy.
Kinumpirma met ti BDO iti OFW nga adda iti nangiruar ti kwartana idiay paset ti Mandaluyong.
Agsidsidaaw met ni Tayson gapu ta naka-block ita ti bukodna nga ATM card.
Saanna met a papadarasen ti BDO nga isubli ti kwartana ngem kayatna laeng a mapapartak iti imbestigasyon tapno maammuan ti frauder ken no kasano a nagpukaw ti kwartana.
Sigun pay kenni Tayson, malaksid ket kuana ket adda pay dagiti kakailyan idiay Middle East a padana a nabiktima.
Kabayatanna, immuna metten a nagkiddaw iti dispensar ti BDO kadagiti nabiktima ti ATM skimming ken agtultuloy ti isaysayangkatda nga imbestigasyon maipapan iti reklamo dagiti kl
iyenteda.
