Nasapa a sumarungkar dagiti sumagmamano a pamilya itay bigat idiay San Juan Cemetery tapno mangisagot ti sabong ken ikararagan dagiti minatay da.
Segun kenni Edlyn Sotelo, maysa kadagiti nasapa a bimmisita ti nasao a kamposanto, sinapa da iti sumarungkar tapno maliklikan ti panagdupodop dagiti tattao iti malem.
Innayon na pay nga uray saan nga undas ket mapmapan latta isuna iti sementeryo tapno bisitaen iti tanem ti amana.
Nasapa met isuna a gimmatang ti kandila tapno makatipid kagiddan ti apagapaman a panagngato ti presyo.
