LA UNION – Nangibati kadagiti nadadael nga alikamen ti bagyo Hato kalpasan a dimmalapus daytoy idiay Macau, China.
Sigun kenni Delfin Sinocruz a taga-Pangasinan ken madama nga agtrabtrabaho iti maysa a hotel idiay Macau, saanen a nakaserrek iti trabaho dagiti kakadduada gapu ta nakarikep dagiti sumagmamano a rangtay ken kalsada kalpasan a naglupyas ti ti danum.
Panggat-siket met iti kangato iti danum idiay Sansan Park a masarakan idiay Barra, Macau.
Mabuya iti naala na a video a naipatulod iti Bombo Radyo, a kabayatan nga adda ti kangitingitan iti storm warning signal number 8 ket sumagmamano a residente sadiay ti intayab iti anging nga adda iti ruar dagiti pasdek kalpasan a maabutan dagitoy iti bagyo.
Intumba met ti agkakapigsa nga anging dagiti daddakkel a lugan.
Daytoyen iti maysa kadagiti kapigsaan a bagyo a napasaran idiay Macau sigun kadagiti agindeg.
Iti agdama ket pagan-annaden iti gobeyrno dagiti agnanaed sadiay gapu ti dakes nga epekto ti napigsa a bagyo.
