Maur-urayen iti sungbat ti Estados Unidos kasaruno a mangisubmitir iti Iran ti 7-day roadmap tapno gibusen iti innem a bulan a gyera, a naipasa idiay Washington babaen iti Qatar.
Segun kenni Iranian Foreign Minister Abbas Araghchi, karaman iti plano iti pannakailukat manen ti Strait of Hormuz iti maika-innem nga aldaw ken panagrugi iti pormal a negosasyon ti nuclear program iti maika-pito nga aldaw.
Karaman met kadagiti kondisyones ti Iran iti panangikkat ti US naval blockade ken oil sanctions, panangiruar ti $12B frozen assets,ken ceasefire iti intero a rehiyon, agraman ti Lebanon ken Yemen.
Kasukat daitoy ket luktan manen iti Iran ti Strait of Hormuz, a ruta ti dakkel a posiento ti suplay iti krudo ken petrolyo ti intero a lubong.
Nupay kasta manen ket adda latta iti pakaseknan dagiti sumagmamano nga eksperto agsipud ta adda pakasaritaanen dagiti immun-una a katulagan a napaay, partikular idi bulan ti Hunyo.
