Agtaltalinaed nga umdas ti suplay iti basic goods and prime commodities ditoy La Union.
Daytoy ti kinumpirma iti Department of Trade & Industry (DTI) La Union.
Iti pannakiuman iti Bombo Radyo La Union kenni DTI La Union provincial director Merlie Membrere, adda ti 14 days buffer stock dagiti pagtagilakwan ditoy probinsiya isu nga awan ti problema iti suplay iti magatang.
Kinumpirma pay iti DTI nga adda suplay dagiti kaadwan a produkto.
Impaganetget ni Membrere a nainget ti panagbantay da kadagiti presyo dagiti magatang ditoy lokalidad numan pay iti katengngaan iti gcq ken iti krisis iti Covid 19.
Nainget ti ballaag iti DTI kadagiti establishimento mainaeg iti price freeze kadagiti produkto kasta metten ti panagipatungpal iti fare trade laws
Pinalagipan met ni Membrere dagiti establishimento a naglukaten ita a GCQ a sumurot da kadagiti pagannurutan.
Nagpalawag metten kinuna ni Membrere iti opisina da dagiti impaayan da iti notice of violation kalpasan a naireklamo dagitoy iti overpricing iti katengngaan iti ECQ idi napalabas a bulan.
