Impasiguro ti Department of Energy (DOE) Task Force on Energy Resiliency nga adda umdas a supply ti langis iti Ilocos region, Cagayan valley ken Cordillera Administrative Region (CAR) iti laksid dagiti nagsasaruno a panagduprak dagiti bagyo ditoy Pilipinas.
Iti situational report ti ahensya daitoy a Biyernes, Nobiyembre 15, awan iti naipadamag a pannakatantan dagiti supply ti langis ken umdas pay daitoy kadagiti apektado ti didigra.
Nu maipapan kadagiti estado ti downstream oil industry facilities, bultohan kadagiti pasalidad ket operational bayat a tallo nga oil retail outlets met ti saan nga operational.
Immunan nga imbilin ni PresidenteFerdinand Marcos Jr. kadagiti maseknan nga ahensya ti gobierno a siguradwen nga umdas dagiti kangrunaan a pagkasapulan, langis, kasta met iti kuryente kadagiti naapektaran ti bagyo.
Iti agdama ket maipatpatungpal iti price freeze ti household liquefied petroleum gas (LPG) nga 11 kilogram cylinders agpababa kasta met iti kerosene nga agpaut iti 15 nga aldaw manipud iti pannakaideklara ti state of calamity.
