Imbaga ni House prosecutor ken Bicol Saro Party-list Rep. Terry Ridon nga agtaltalinaed a napigsa iti suporta iti impeachment kontra kenni Bise Presidente Sara Duterte idiay Visayas ken Mindanao.
Segun kenni Ridon, a chairperson met ti House Committee on Public Accounts, a ti 257 botos pabor iti Articles of Impeachment ket mangipakpakita ti suporta manipud kadagiti nadumaduma a partido ken rehiyon.
Maibasar iti record ti Kamara, 43 ti 50 a mammanday-linteg manipud Visayas, 41 ti 61 manipud idiay Mindanao, ken 125 ti 142 manipud Luzon iti nagbotos a pabor iti impeachment.
Kenuna ni Ridon a maisupadi daytoy iti alegasion nga iti impeachment ket interes laeng ti “Imperial Manila.”
Karaman kadagiti reklamo a naipila kontra kenni VP Duterte iti maipagarup a biddut a panangusar ti ₱612.5 million confidential funds, nailemmeng a kinabaknang, panagpasuksok, ken panangipangta kada Presidente Ferdinand Marcos Jr., First Lady Liza Araneta-Marcos, sigud nga Speaker Ferdinand Martin G. Romualdez.
Pinaglibakan met ni Duterte dagiti alegasion ken imbaga a panangpulitika laeng dagitoy.
Naisubmitiren idiay Senado ti Articles of Impeachment ken manamnama a maluktan iti impeachment court inton bigat, Mayo 18, segun kenni Senate President Alan Peter Cayetano.
Maipagarup a dumar-ay iti sibubukel nga 11-member House prosecution panel iti pormal a panaglukat ti panagusig.###
