LA UNION – Indeklara a drug cleared ti Philippine Drug Enforcement Agency Regional Office 1 ti Barangay Urbiztondo no sadino a masarakan ti Surfing Capital of the North idiay ili ti San Juan, La Union.
Daytoy ket kalpasan nga maisubmiter ti amin nga dokumento a mangpaneknek nga nadalus iti maipawil nga agas iti nadakamat a lugar.
Mismo a ni Vincent Borja, focal person ti drug free barangay ti nangibasa iti nasao nga report.
Kabayatan na, ti Surfing Capital of the North ket isu ti pakaangayan ti sports a surfing nga pakipasetan dagiti atleta manipud kadagiti pagilian a miembro ti South East Asean (SEA) Games a mangrugi inton November 30 agingga December 11 ti agdama nga tawen.
