LA UNION – Arestado ti maysa a mister kalpasan a nakakompiskar dagiti otoridad iti droga manipud iti uneg ti balayna babaen ti naisayangkat a search operation idiay Barangay Bumbuneg, ili ti San Gabriel, La Union.
Nabigbig ti suspek a ni Noel Matute, 42, residente ti nasao a lugar.
Naammuan ti Bombo Radyo manipud ti San Gabriel Police, tallo a sachet a naglaon iti maatap a marijuana ti naala manipud iti uneg ti pagtaengan babaen ti implementasyon ti search warrant nga inyatnag ti korte.
Ti suspek ket siguden a simmuko babaen ti Oplan Tokhang iti pulisya.
Kabayatanna, pinaglibakan met ti suspek a kukuana dagiti nasao a droga.
Kaso a panaglabsing iti Comprehensive on Dangerous Drugs Act ti reklamo a sangsanguen ti suspek.
