LA UNION – Isagsaganan ti pulisya ti kaso kontra iti maysa a mister a maipagarup nga aglaklako iti droga idiay Barangay San Nicolas East, ili ti Agoo, La Union.
Nabigbig ti suspek a ni Jessie Sapitula, 39, residente iti Barangay Sta. Fe ti nasao nga ili.
Naammuan ti Bombo Radyo manipud iti Agoo Police Station, maysa a sachet a naglaon iti maatap a shabu ti nakompiskar manipud iti ikot ti suspek karaman ti P500 a buy-bust money.
Ni Sapitula ket siguden a simmuko iti Oplan Tokhang iti pulisya.
Kabayatanna, kaso a panaglabsing iti Comprehensive on Dangerous Drugs Act ti reklamo a sangsanguen iti suspek idiay piskalya.
