Agtultuloy iti panangtakuat dagiti imbestigador iti motibo ti napasamak a pammaltog kenni right-wing activist Charlie Kirk babaen ti panakipatang kadagiti gagayyem ken pamilya ti suspek.
Daytoy ket kalpasan a saan a makikokoordinar kadagiti otoridad iti naakusaran a gunman a Tyler Robinson, 22 anyos, nga iti agdama ket addan iti kustodiya idiay Utah ken pormal a makasuan inton bigat.
Saan pay a masinunuo dagiti imbestigador no apay ta imuli ni Robinson iti rooftop ti Utah Valley University kabayatan ti maysa nga outdoor event ken pinaltugan na ni Kirk iti tingnged manipud iti adayo a distansya.
Segun ti maysa a news agency, saan da a mabirukan iti roommate ken romantic partner ti suspek nga immunan a makisarsarita kadagiti otoridad – a nailadawan kas maysa a transgender – kasta met no sino ti agserserbi kas legal representative na.
Kabayatanna, nadiskubre dagiti mensahe a nakaukit kadagiti uppat a kaha ti bala, pakairamanan dagiti reperensia kadagiti memes ken video game in-jokes.
Maibasar iti naipila nga affidavit, maysa kadagiti inskripsion ket iti “hey fascist! CATCH!” a sinaruno ti kombinasion dagiti directional arrows, a reperensia met dagiti nasasaruno a buttons tapno pabettaken iti bomba iti maysa a nalatak a video game.
Maysa pay a casing iti nakalanadan ti “If you read This, you are GAY Lmao,” wenno “laughing my *ss off.”
