Posible a sumango iti kaso nga attempted murder ken maliscious mischief ti suspect a nangikabil iti sabidong kadagiti lima a bubon idiay Upper Talogtog, iti Brgy. Talogtog, San Juan, La Union.
Iti pannakiuman iti Bombo Radyo La Union kenni PCpt. Gerardo Macaraeg, hepe iti San Juan Police Station, inimbitarandan iti kuwerpo iti pulisya iti maitudtudo a suspek ngem saan da pay nga naidatagan iti kaso agsipudta awan met iti nakakita iti insidente iti laksid nga adu ti mangitudtudo kenkuana a nangaramid daytoy.
Segun pay kenni Cpt. Macaraeg, saan nga ipudno ti suspek nga inaramid na, ngem kabayatan iti panangsaludsod da kenkuana maipagarup nga adda ti ammo daytoy.
Naamuan nga ti rason iti panangibukbok iti sabidong ti suspek kadagiti bubon ket gaputi rurod na kadagiti makinkukua dagiti bubon a nakarikyar daytoy.
Iti agdama, nainget ti isaysayangkat nga imbestigasyon dagiti otoridad mainaeg iti nadakamat a kaso.
Immuna metten a nagturong dagiti kapulisan iti lugar tapno mangala ti sample iti danum a naikkan iti sabidong a naggapu iti bubon paran to iti pannakaidatag iti kaso.
Iti sabali a bangir, saan nga nalapdan ni Punong Brgy. Arlene Abat iti Brgy. Talogtog, madismaya ken malidayan nga uray iti bubon daytoy ket nabukbokan iti sabidong.
Kinuna na a nadiskubreda laengen idi bigat kalman nga adda sabidong iti bubon na. Saanna namnamaen a nadistrongkar ti ridaw daytoy nakaimuntaran iti bubon ken karaman a nakargaan iti sabidong. Gapu iti daytoy, 5 a bubon tattan ti naikkan iti sabidong na sadiay numan pay dagiti dadduma ket pagtitinnulungan dagiti residente a linlinisan babaen iti panagpasusup dagitoy ken panangikabil iti chlorine tapno maminsan manen a mapakinabangan.
Adu pay kinunana iti saan a nakadigos iti barangay da gapu ta kumpet ti sabidong iti bagi dagitoy no aramaten da iti danum.
Mineral water met ti pangnamnamaan da itatta iti panagluto da.
Segun kenni Punong Brgy. Abat, saan a bumaba iti 70 a pamilya ti apektado idiay Upper Talogtog.
Impaawag da metten ti DOST tapno kitaen a naimbag ti danum ken no anya ti agbalin a treatment da iti daytoy.
Iti 7 a bubon iti nadakamat a barangay, 5 kadagitoy ti naikkan iti sabidong, bayat a datay bubon a kukwa met iti maitudtudo a suspek ket nalinis.
