LA UNION – Inruaren dagiti otoridad iti pakabigbigan ti suspek ti pammaltog iti Abundant Life Christian School idiay Madison, Wisconsin.
Segun kenni Madison Police Chief Shon Barnes, a nabigbig iti suspek a ni Natalie Rupnow, 15-anyos.
Pinaayaban dagiti otoridad iti nagannak ti suspek tapno maamwan nu siasino ti akinkukua ti paltog.
Adda iti pagagasan dagiti innem a nasugatan iti insidente ken dua kadagitoy ti adda iti kritikal a kondisyon.
Maipalagip a kalpasan ti pammaltog a nakatayan ti dua a biktima ket nagpakamatay met ti 15-anyos a suspek ken narekober iti abay na iti paltog a nausar.
Karaman a natay iti insidente iti maysa a teacher ken maysa nga estudyante.
