Sumangsangon iti kaskenan a kaso ti maysa nga holdaper kalapsan a matiliw dagiti otoridad idiay Barangay Ili Sur, San Juan, La Union.
Iti imbestigasyon dagiti otoridad, nagkalugan iti pampasahero nga jeep agturong iti amianan ti biktima a ni Rajev Ganaden, 23, negosyante, residente ti Barangay Catbangen, syudad ti San Fernando ken ti suspek a ni Junrey Velayo, 25, residente ti Pagadian City, Zamboanga Del Sur.
Kellaat a rinabsot ti suspek iti paper bag ti biktima a naglaon ti cellphone, wallet ken napapateg nga alikamen. Idi makadanonda iti sango ti cementeryo kellaat a limmagto ti imun-una a naiparna nga ditoy a naka puwesto dagiti pulis.
Nagbalin a narigat iti panangtiliw iti suspek gaputa malaksid nga adda armas na ket pinatuduan na pay ti bato dagiti pulis.
Maysa laeng ni PO2 Samuel Alipda kadagiti nasugatan iti barsaken ti suspek ti partol car.
Naala iti ikot ti suspek ti uppat nga sachet ti shabu, drug paraphernalia, maysa a cal. 45 ken P600.00.
Kabayatan na, segun kenni Police Insp. Juanito Buaron, umuan pay laeng daytoy a pasamak ti panagholdap iti masakopan na.
