LA UNION – Suspendido ti face-to-face wenno in-person classes kadagiti sumagmamano a paset ti probinsia ita nga aldaw Lunes, Agosto 17, 2026, kadagiti pampubliko ken pribado a pagadalan.
Ditoy Siyudad ti San Fernando, suspendido ti klase iti pre-school, bayat a pre-school agingga Senior High School met idiay Bacnotan ken Bagulin.
Karaman met iti nangipatungpal ti suspension iti amin a lebel iti Balaoan, Bangar, Luna, San Gabriel, San Juan, Santol, Sudipen, Agoo, Aringay, Burgos, Caba, Santo Tomas, ken Tubao.
Idiay Pugo, suspendido met iti klase kadagiti pampubliko ken pribado a pagadalan.
Kabayatanna, alas-7:30 ti bigat awan pay iti naipablaak a class suspension iti Facebook page ti Bauang, Naguilian, ken Rosario a kaipapanan nga adda ti serrek da.
Maallukoy dagiti pagadalan nga ipatungpal ti asynchronous alternative learning modality tapno maituloy iti panagadala dagiti estudyante iti laksid ti suspension ti face-to-face classes.
Mabalakadan dagiti nagannak, agad-adal ken mannursuro nga itultuloy a padaanan iti opisial nga anunsio ti bukodda a local government units ken dagiti pagadalan para iti aniaman a panagbalbaliw wenno kanayunan nga abiso.
