Inkari ti lider dagiti rebelde idiay Syria a ni Abu Mohammed al-Jolani nga ipaserra na ti notorious a pagbaludan nga inmanehar ti naikkat a presidente da a ni Bashar al-Assad ken sukimaten da dagiti karaman iti panangpapatay ken panag-torture kadagiti balud.
Kinunana a buwagen na ti security forces ti sigud a rehimen.
Iti damag a nagsaknap kalpasan ti pannakarba ti gobierno ni Assad idi Domingo, makita ti pannakawayawaya dagiti rinibu a balud manipud iti pagbaludan ti Sydnaya, nga inawagan met dagiti grupo a mangitantandudo ti human rights a kas ‘human slaughterhouse’.
Agarup 60,000 a tattao ti natorture ken napapatay kadagiti pagbaludan a pinataray ni Assad, segun iti UK-based monitoring group a Syrian Observatory for Human Rights.
Kinuna ni Jolani a ti pardon para kadagiti nakipaset iti panangtorture wenno panangpapatay kadagiti balud ket “out of the question”.
Innayon na pay a sukimaten da dagitoy sadiay Syria ken kiddawen da pay kadagiti sabali a pagilian nga turn-over da dagitoy tapno magun-od ti hustisya.
