Target ti Department of Energy (DOE) a naan-anay a maikkat ti system loss charge iti singir ti kuryente inton 2027, segun kenni Energy Secretary Sharon Garin.
Kenuna ni Garin a dagos a makitaripnong ti DOE iti Energy Regulatory Commission (ERC) ken National Electrification Administration (NEA) tapno plantsaen dagiti kasapulan a polisiya ken reporma.
Paset iti plano iti panagsukimat ti nasurok 100 nga electric cooperatives ken private distribution utilities tapno masigurado dagiti maammuan dagiti pagpuonan a makakissay iti recoverable system losses a naipasa kadagiti consumers.
Inaklon ti sekretario a mabalin nga agbayag iti implementasion gapu ta agpannuray met daytoy kadagiti distribution utilities, ngem patta-patta ti ahensia a mabalin a bumaba ti lima agingga sangapulo a porsiento ti singir iti kuryente no maipatungpal iti reporma.###
