Impaganetget ni Navotas City Representative Toby Tiangco a saan a rumbeng a maipabaklay kadagiti ordinary konsyumer ti panagbyad kadagiti “systems loss charges” iti electricity bills.
Insubmitir manen iti mamanday-linteg iti singasing na a maikkaten dagiti “systems loss charges” kadagiti binulan a singir ti kuryente ditoy Pilipinas, kasaruno iti waragawag ni Presidente Ferdinand “Bongbong” Marcos Jr. iti maikalima na a State of the Nation Address a saan a rumbeng a maipabaklay kadagiti konsyumer iti nasao a singir kas paset kadagiti addang a mangpababa iti nangato a babayadan iti kuryente.
Nakaragsakan ni Tiangco a nairamanen iti legislative agenda ti Presidente iti pannakaikkat daitoy ken innayon a nabayag nan a panawagan iti saan a nainkalintegan kadagiti ordinary a konsyumer nga agbayad paylaeng kadagiti kuryente a mapukpukaw gapo kadagiti panagtakaw wenno “jumpers” kasta metten iti kinaliway ti electric distributors.
Mangnamnama iti mamanday-linteg a makagun-od iti singasing ti umdas a suporta manipud iti Kongreso tapno naan-anayen nga agbalin a linteg.
