Nangipeksa ti suporta ti Taiwan kenni Presidente Ferdinand Marcos Jr. kalpasan ti waragawag na a mabalin a makibiang ti Pilipinas apaman lusoben ti China iti isla da, banag met a nakarurodan ti China.
Inbinglay ni Ministry of Foreign Affairs (MOFA) ti Taiwan iti maysa a social media post na iti pannakiuman kenni Presidente Marcos ken kinuna a nalawag ti kinaagpaysu a nu anya iti mapaspasamak idiay Taiwan Strait ket maapektaran iti am-amin.
Pinagyamanan pay ti gobierno ti Taiwan ni Presidente Marcos para iti panagbigbig iti pangta ti seguridad ken panagtignay a ti Taiwan ket para ti kinakapia ditoy Indo-Pacific Region.
Sakbayna ket nakitaripnong pay iti presidente idiay India ken inwaragawag a saan a mabalin nga awan iti bibiang ti Pilipinas nu maraut iti Taiwan agsipud ta adu a Pilipino iti mangmangged iti isla.
Innayon na a kasapulan a salakniban dagiti Overseas Filipino Workers (OFWs) kasta met nga impeksa iti posibilidad a palubosan ti Estados Unidos nga usaren dagiti resources ken base-militar ditoy Pilipinas apaman saanen a maliklikan pay ti tensyon.
