Nailista ti Philippine Institute of Volcanology and Seismology (Phivolcs) dagiti tallo a nagsasaruno a panagbettak ti Bulkang Taal ita nga aldaw, Oktubre 26.
Segun ti ahensia, nairecord iti umuna a phreatic eruption alas-2:55 ti parbangon ken sinaruno dagiti dua a phreatomagmatic eruptions ti agarop alas-8:13 ken alas-8:20 ti bigat.
Ti mapadpadasan nga phreatomagmatic eruptions ket gapo iti panagsinabat ti magma ken danom iti ngiwat ti buklan, bayat nga ti phreatic eruption ket gaputi steam explosion no pappapuduten ti magma iti daga wenno danom iti rabaw ti ngiwat daytoy.
Naobserbahan met ti IP ken thermal cameras ti Phivolcs iti panangiruar ti dakkel nga abo a dumanon ti 1,200 aginggana 2,100 a metro manipud iti rabaw ti crater.
Kabayatanna, agtaltalinaed nga Alert Level 1 iti Taal Volcano ken nainget a maiparparit iti panagserrek iti Permanent Danger Zone (PDZ) ti isla, panagbangka iti dan-aw, ken panagtayab ti eroplano asideg ti bulkan.
Imballaag met ti ahensia iti posibilidad ti steam-driven wenno phreatic explosions; panagdayyeg; minor ashfall; ken iti makapatay a gas manipud iti impugso a dapo ti bulkan.
Maipalagip nga idi Sabado, Oktubre 25, naaddaan met ti minor phreatomagmatic eruption iti Taal a nagpaut ti tallo a minuto, kadagiddan dagiti siyam nga volcanic earthquakes ken 436 tonelada a sulfur dioxide emission.###
