Pimmusay dagiti tallo a pulis ti Turkey bayat a siyam met iti nadundunor kalpasan iti maysa nga engkwentro ti pulis ken ti mapapati a militante nga Islamic State (IS) iti probinsia ti Yalova idi parbangon ti Lunes.
Napasamak iti rinnupak idi rinaut dagiti otoridad iti maysa a balay ti Elmalik a maipagarop a paglimlimmengan dagiti miembro ti IS.
Innem met a miletante a miembro ti natay iti operasion.
Dagiti nadundunor a pulis ket dagus a naiyakar iti pagagasan ken addan iti nasayaat a kondision iti agdama.
Nasuspende met iti klase dagiti lima a pagadalan nga asideg iti insidente ken naiserra dagiti kalsada iti aglawlaw bayat nga agtultuloy iti operasion.
Nangipatungpal iti gobierno ti temporario a media ban ken ti mapalubusan laeng ket dagiti otoridad a mangiruar ti aniaman nga impormasion.
Kagiddan ditoy ket pinapigsa ti Turkey dagiti addang kontra-terorismo sakbay iti panagrambak ti Baro a Tawen.
Idi nalabas, nasurok 100 a maipagarup a miembro ti IS iti naarestar kadagiti nadumaduma a siyudad, ken sumagmamano a nangato nga opisial ti grupo iti nakemmeng gapo iti maipagarup a panangplano dagiti panagraut.
Nagpakdaar met dagiti otoridad iti posible a panagraut kadagiti natao a lugar kas iti shopping mall ken merkado iti bisperas ti Baro a Tawen.#
