LA UNION, PHILIPPINES — Tallo nga atleta manipud DEFTAC La Union iti mangibagi ti Pilipinas tapno lumaban ti Jiu-Jitsu World Championship idiay Tokyo, Japan, ita nga aldaw ti Setyembre 3 agingga 5, 2026.
Dagiti atleta ket da Coach Sha Casuga, Professor Juan Rico “Infamous” Rulloda, ken Joey Gormley, nga adda iti sidong iti mentorship ni Professor Joel Yaptinchay.
Ti prestihiyoso a kompetisyon ket isayangkat ti International Sport Jiu-Jitsu Federation (ISJJF) kabinnulig ti Asian Sport Jiu-Jitsu Federation (ASJJF) a mangitampok kadagiti atleta manipud nagduduma a pagilian.
Para iti DEFTAC La Union, napateg a milestone iti panangipatulod kadagiti tallo nga atleta iti world championship, a nagtaud kadagiti agtultuloy da a panagsanay, disiplina, ken dedikasyon iti Brazilian Jiu-Jitsu.
Nasursurok pay ngem kompetisyon, agserserbi daitoy kas inspirasyon iti pannakisalip dagiti agtutubo nga atleta ditoy La Union, nga agtartarigagay met nga ibagi iti probinsya ken pagilian iti sangalubongan nga entablado.
Iti panagsango da kadagiti kalaban idiay Japan, tugot da Casuga, Rulloda, ken Gormley iti nagan ti DEFTAC La Union, mismo a probinsya ti La Union, ken pagilian a Pilipinas — maysa a pammaneknek a kabaelan a makisabay dagiti atletang, a kadagiti local mats laeng a nangrugrugi.
