LA UNION – Agtultuloy a maag-agasan iti ospital ti maysa a barangay tanod kalpasan a pinagtulungan a kabilen dagiti nabartek nga agkabsat idiay ili ti Naguilian, La Union.
Nabigbig ti bitkima a ni Benjamin Lavora ti Brgy. Cabaritan Sur.
Maibasar iti imbestigasion ti pulisia, naamuan a nagresponde da Lavora ken dua pay a tanod idiay Sitio 4 gapu iti damag a panagpagunggan dagiti agkabsat nga Eric ken Tonton Lopez.
Nupay kasta, ti tanod ti nangibaw-ingan dagiti dua iti ungetda agingga a pinak-olda ti ulona iti botelya ti arak ken binagsolda pay ti bukot daytoy.
Dagus met a naitaray iti ospital ni Lavora bayat a tiniliw dagiti otoridad dagiti aglabsat a Lopez nga ita ket naituding a maidatagan iti kaskenan a kaso.
